२३ चैत,काठमाडौं । नेपाल आयल निगमले गएराति देखि पेट्रोलियम पदार्थको मूल्य फेरि बढाएको छ।
नेपाल आयल निगमले मंगलबार मध्यरात देखि लागू हुने गरी पेट्रोलको प्रतिलिटर १६० रुपैयाँ पुर्याएको छ। त्यस्तै, डिजेल र मट्टितेल प्रतिलिटर १४३ रुपैयाँ पुगेको आयल निगमले जनाएको छ।
त्यस्तै हवाइ इन्धनको मूल्य आन्तरिकमा ५ रुपैयाँ बढेर प्रतिलिटर १५६ रुपैयाँ पुगेको छ। यस्तै, अन्तर्राष्ट्रिय रुपमा ५० डलर बढाएर प्रतिकिलोलिटर एक हजार ४४५ अमेरिकी डलर नयाँ मुल्य तोकिएको छ। यसअघि आयल निगमले पेट्रोल १५५ र डिजेल तथा मट्टीतेल १३८ रुपैयाँ तोकेको थियो।