तुलसीपुर । माओवादी केन्द्र निकट प्रेस सेन्टर नेपाल तुलसीपुर शाखाको दोस्रो अधिवेशनबाट अध्यक्षमा टेकराज भण्डारी सर्वसम्मत चयन हुनुभएको छ । यस्तै उपाध्यक्षमा विशाल परियार, सचिवमा रिता केसी, सहसचिवमा कृष्ण केसी र कोषाध्यक्षमा मन बहादुर बुढाथोकी चयन हुनुभएको छ । त्यसैगरी सदस्यहरुमा मंगलसिंह घर्ती, दामोदर केसी, निकिता बुढाथोकी, हुम बहादुर नेपाली, युवराज केसी र जितेन्द्र खड्का रहनुभएको छ ।
प्रेस सेन्टर नेपाल तुलसीपुर शाखाका उपाध्यक्ष दिपक बोहराको अध्यक्षता तथा लुम्बिनी प्रदेशका निवर्तमान अर्थमन्त्री धन बहादुर मास्कीको प्रमुख आतिथ्यतामा कार्यक्रम भएको थियो । कार्यक्रममा बोल्दै प्रमुख अतिथि मास्कीले पत्रकारहरुले सधै सत्य,तथ्य र निष्पक्षतामा आधारित भएर समाचार सम्प्रेशन गर्नु पर्ने बताउदै जनतामा सहि सूचना सम्प्रेषण गर्न आग्रह गर्नुभएको थियो ।
कार्यक्रमका विशिष्ट अतिथि प्रेस सेन्टर नेपालका केन्द्रीय उपाध्यक्ष अजयदिप शार्मा, नेपाल पत्रकार महासंघ दाङका उपाध्यक्ष नारायणी रजौरे, रिर्पोटस क्लब दाङका अध्यक्ष शरद रेग्मी, नेकपा माओवादी केन्द्रका सदस्य एवं तुलसीपुर उपमहानगरपालिकाका सहइन्चार्ज प्रेमराज वली, प्रेस सेन्टर लुम्बिनी प्रदेशका महासचिव भुपेन्द्र वली,प्रेस सेन्टर कर्णाली प्रदेश सचिव तिलक राज वलीलगायतले नयाँ कार्यसमितिलाई शुभकामना मन्तव्य दिदै संगठनको गरिमा उचो हुने काम गर्न र देशभरकै उत्कृष्ट पालिका कमिटी बनाउनेतर्फ ध्यान दिन जोड दिनुभएको थियो।
प्रेस सेन्टर दाङका जिल्ला सदस्य बिशाल परियारको स्वागत मन्तव्यबाट सुरु भएको कार्यक्रमको सहजीकरण प्रेस सेन्टर नेपाल दाङ शाखाका सदस्य दिपक वलीले गर्नुभएको थियो।
