हामी परिक्षण प्रसारणमा छौ



१२ असोज,सल्यान । सल्यानमा जिप दुर्घटना हुँदा आठ जनाको घटनास्थलमै मृत्यु भएको छ । राप्ती राजमार्गको सल्यान कपुरकोट गाउँपालिका-३, मुलपानीमा आज बिहान साढे दुई बजे बाँके कोहलपुरबाट आफन्तको बिहेमा गएर कपुरकोट गाउँपालिका रिम तर्फ जाँदै गरेको रा १ ज ५६३ नम्बरको जिप दुर्घटना भएको हो । 

दुर्घटनामा परि जिप चालक कपुरकोट गाउँपालिका ६ जलवाङ का २१ वर्षीय जित बहादुर बोहोरा, शोही ठाउँका ३७ वर्षीय धर्मा ओली, ४० वर्षीय टोप बहादुर ओली, उहाँको ११ वर्षीय छोरा बसन्त ओली, ३० वर्षीय सुरेश खत्री, ७० वर्षीय खुमलाल ओली, ५५ वर्षकी कुमारी ओली र ३५ वर्षीय ललित ओली रहेको जिल्ला प्रहरी कार्यालय सल्यानका सूचना अधिकारी सन्तोष खनालले जानकारी दिनु भयो । 

सोही दुर्घटनामा परी कपुरकोट गाउँपालिका-६,जलवाङकै ३५ वर्षीय तिलक ओली रहनु भएको छ । घाइते ओलीको प्रादेशिक अस्पताल दाङ तुलसीपुरमा सामान्य उपचार पछि हाल बाँकेमा थप उपचार भइरहेको प्रहरीले जनाएको छ । जिपमा ९ जना सवार रहेको र जिप अनियन्त्रित भइ सडकबाट करिब १ सय ५० मिटर तल खसेको सल्यान प्रहरीको भनाई छ । 
 

प्रकाशित मिति : १२ आश्विन २०७९, बुधबार, ,  ११ : १४ बजे

प्रतिक्रिया दिनुहोस्