दाङ । दाङको तुलसीपुरमा एक ब्यक्तीको बैंक रकम चोरी भएको छ । मंगलबार विहान दंगीशरण गाउँपालिका–५ मिरौली निवासी घर भई हाल तुलसीपुरमा ब्यबसाय गर्दै आउनुभएका ज्ञानबहादुर चौधरीको खाताबाट दुई लाख २० हजार रुपैँया चोरी भएको हो ।
बुधबार विहान ज्ञानबहादुर चौधरीको फेसबुक म्यासेन्जरमा आफू एनआईसी एसिया बैंकको कर्मचारी भएको भन्दै खातामा समस्या देखिएको र त्यो खाता बनाउनकालागि भन्दै खाता नम्बर र मोवाईल नम्बर मागियो ।
चौधरी ले बैंककै लोगो राखेको र बैंककै नाममा म्यासेज आएपछि विश्वास मान्दै आफ्नो खाता नम्बर तथा मोवाईल नम्बर दिएको र मोवाईलमा फोन पनि आएपछि आफु झनै विश्वास परेर ठगीएको थाहा नपाएको भन्दै भन्नुभयो, ‘पहिले पनि खातामा समस्या आएमा बैंकबाट फोन आउथ्यो’,उनले भने‘अहिले पनि त्यही होला भनेर पठाएँ ।’
मोवाईल नम्बर र खाता दिएपछि केही समयमा मोवाईलमा ओटीपी कोड आयो । चौधरीलाई ओटीपी कोर्ड आफू भन्दा अरुलाई थाहा दिनु हुँदैन, भन्ने थाहा थियो ।तर, पनि कर्मचारी नै हुँ भन्दै मागे पनि उनले त्यो कोर्ड दिए । ‘दुईपटकसम्म त कोड पनि दिइँन,त्यो कोर्डको म्याद २ मिनेट सम्म हुँदो रहेछ, त्यसपछि उताबाट फोन आयो, कर्मचारी भनेँपछि विश्वास लाग्यो’,उनले भने‘त्यसपछि दिएँ ।’
चौधरीले त्यो ओटीपी कोर्ड दिएको १५/२० मिनेटमा २ लाख २० हजार रुपैँया आफ्नो खाताबाट अन्तै पठाएको भन्ने म्यासेज आउदा बल्ल त्यो खाताको रकम चोरी भएको भन्ने लाग्यो र खाता भएको एनआईसी एसिया बैंकमा गएको बताउनुभयो । त्यहाँ जाँदा आफ्नो खाता नम्बर ०६५४१५११०४८७९००१ बाट सिधै सिटिजन बैंकमा पठायो । त्यहाँबाट एभ्रेष्ट, मेघा बैंकमा पठाईसकेको पाईयो । त्यसपछि चौधरीलाई बैंकले सिधै प्रहरी कार्यालयमा सम्पर्क गर्न भनेपछि आफु प्रहरी कार्यालयमा पुगेको बताउनुभयो । रकम कुन ब्यक्तीको खातामा पठाएको भन्ने प्रष्ट थाहा भएकाले त्यही अनुसार कदम अगाडी बढाईएको चौधरीले बताउनु भयो । उहाँका अनुसार चोरी गर्ने ब्यक्तीको खाता कोहलपुर शाखामा समेत रहेको बुझिएको छ ।
यस्तै कुनै पनि ब्यक्तीले ओटीपी(वान टाईम पासवर्ड) नम्बर कसैलाई पनि दिन नहुँने एनआइसी एसिया बैंकका तुलसीपुर शाखा प्रमुख राजीव वलीले जानकारी दिनुभयो । वलीले भन्नुभयो ,’खाता ह्याक गर्ने गिरोह सक्रिय भएको अबस्थामा फेसबुक, म्यासेन्जरलगायत अन्य कुनै पनि माध्यामबाट मागेपछि बैंक, खाता, मोवाईल नम्बर, ओटीपी कोर्डजस्ता बैंकका विवरणहरु कसैलाई पनि नदिन मेरोअनुरोध छ।’