सल्यान । बागचाैर नगरपालिका वडा नं.२ बडाचाैर, चिलढालेमा नगर प्रमुख जनकराज गाैतमकाे प्रमुख उपस्थितिमा विद्युत उद्घाटन गरिएको हाे। विधुत लाइन विस्तार पछी स्थानीयहरु खुसी भएका छन।
विद्युत लाइन उद्घाटन गर्दै नगर प्रमुख जनकराज गाैतमले आफू निर्वाचित हुनुभन्दा पहिले जनता संग गरेका प्रतिबद्धताहरु पूरा गर्दै जाने बताउदै उहाँले नगरपालिकाका सम्पुर्ण घरहरुमा पूर्ण रुपमा विद्युतीकरण हुने बताउनुभयो । नेपाल विद्युत प्राधिकरणकाे सहयोगमा नगरपालिकालाई पुर्ण विद्युतीकरण गर्ने लक्ष्य अनुसार हाल नगरपालिकाका सबै वडामा विद्युत विस्तारकाे काम भइरहेको नगर प्रमुख गाैतमले बताउनुभयो । नगरपालिकाले खानेपानी, शिक्षा र विद्युत विस्तारकाे कामलाई प्रमुख प्राथमिकतामा राखेर काम गरिरहेकाे उहाँको भनाइ छ ।
विद्युत उद्घाटन कार्यक्रममा नगर प्रमुख जनकराज गाैतम, वडा नं. २ का वडा अध्यक्ष दिपेश डि.सी, वडा सदस्य माेहन डाँगी, सामाजिक विकास शाखा प्रमुख विशाल वली, विद्युत प्रबिधिक, शिक्षा शाखामा कार्यरत तिलक वली, शिक्षक, विभिन्न राजनीतिक दलका प्रतिनिधि लगायत वडावासीहरुकाे उपस्थिति रहेको थियो ।