सल्यान। सल्यानको बनगाड कुपिण्डेमा जीप दुर्घटना हुँदा १० जना घाइते भएका छन्।
गोब्राही प्राथमिक विद्यालय, दुरुमखोलाबाट विद्यार्थी बोकेर कुपिण्डे तालतर्फ जाँदै गरेको रा.१ज ८७१ नम्बरको जीप आज दिउँसो १ बजे बनगाड कुपिण्डे–८ आगानेटा नजिक अनियन्त्रित भई पल्टिएको हो।
दुर्घटनामा परि गम्भीर घाइते बनगाड कुपिण्डे–१२ का ३८ वर्षीय टोपेन्द्र केसी र ३७ वर्षीया ललिता डिसीलाई थप उपचारका लागि नेपालगञ्ज रिफर गरिएको जिल्ला प्रहरी कार्यालय सल्यानका सूचना अधिकारी पूर्ण केसीले जानकारी दिनुभयो।
अन्य घाइतेहरू गोमा कुमारी केसी, ४ वर्षीय दिपेन्द्र थापा, ३५ वर्षीय कृष्णा वली, ५ वर्षीय गौरव वली, २५ वर्षीय तेजबहादुर डाँगी, ४२ वर्षीया निर्मला घर्ती र दैलेख ढुङ्गेश्वर गाउँपालिका–५ का २८ वर्षीय देवप्रसाद गौतम उपचारपछि घर फर्किएका छन्। जीप चालकलाई प्रहरीले नियन्त्रणमा लिएको सल्यान प्रहरीले जनाएको छ।