दाङ। दाङ क्षेत्र नं. २ को प्रतिनिधिसभामा गठबन्धनका साझा उम्मेदवार माओवादी केन्द्रबाट रेखा शर्मा निर्वाचित हुनुभएको छ। प्रतिद्वन्द्वी नेकपा एमालेका महासचिव शंकर पोख्रेललाई १९६ मतान्तरले हराउँदै शर्मा दाङबाट प्रतिनिधिसभा सदस्यमा निर्वाचित हुनुभएको हो।
गठबन्धनबाट माओवादी केन्द्रका उम्मेदवार रेखा शर्माले २६ हजार ८ सय ७७ मत ल्याउनुभएको छ भने शंकर पोख्रेलले २६ हजार ६ सय ८१ मत प्राप्त गर्नुभएको छ। रेखा शर्माको जित पछि अहिले सत्ता गठबन्धनको विजयी र्याली सुरू भएको छ।
यसैगरी प्रदेशसभा तर्फ गठबन्धनकै साझा उम्मेदवार नेपाली कांग्रेसकै दाङ क्षेत्र नं.-२(१) मा राजुु खनाल र २(२) मा प्रचण्ड न्यौपाने (गुन्टु)निर्बाचित हुनुभएको छ ।