सल्यान । सल्यानको सिद्ध कुमाख गाउँपालिकामा ८० जना सुत्केरी आमाहरुलाई उपाध्यक्ष पोषण कोशेली बितरण गरिएको छ।
सिद्ध कुमाख गाउँपालिका वडा नम्बर २ र ३ का सुत्केरी आमाहरुको लागी लक्षित कार्यक्रममा प्रमुख अतिथि तथा गाउँपालिकाका उपाध्यक्ष राम बहादुर बस्नेतले आफुहरुले वितरण गरेको सानो कोशेली ठुलो नभए पनि सुत्केरी आमाहरूलाई पोषणयुक्त खानेकुरा घर परिवारले समेत खुवान आवश्यक छ भन्ने सन्देश यसको रहेको बताउनु भयो।
![](https://salyannews.com/wp-content/uploads/2024/06/IMG_20240618_062146-768x551.jpg)
गाउँपालिकाको सिनियर अनमि निरीक्षक मिना कुमारी शर्माद्वारा संचालित उक्त कार्यक्रममा वडा नम्बर २ र ३ का झन्डै ८० सुत्केरी आमाहरूलाई गाउँपालिकाको तर्फबाट अन्डा,खानेतेल वितरण गरिएको थियो। कार्यक्रमबाट आफुहरुले थोरै भएपनि पोषणयुक्त खानेकुरा पाउदा खुशी लागेको स्थानीय मिना बुढाथोकीले जानकारी दिनुभयो ।