सल्यान । जनकल्याण बहुमुखी क्याम्पस थारमारेको स्वबियु अध्यक्षमा अखिल (क्रान्तिकारी) का गणेश वली निर्वाचित हुनु भएको निर्वाचन समितिले जनाएको छ।
आज सम्पन्न स्वबियु निर्वाचनमा अनेरास्ववियू,नेविसंघ नेतृत्वको सत्ता गठबन्धन सम्बद्ध विद्यार्थी संगठनको संयुक्त प्यानललाई पराजित गर्दै अखिल (क्रान्तिकारी) का गणेश वलीले १९६ मत ल्याएर विजयी हुनुभएको हो। यसैगरी उहाँको निकटतम प्रतिद्वन्दी नेबिसंघका फलेन्द्र पुरीले १७८ मत ल्याउनुभएको छ।
सचिवमा अनेरास्ववियुकि बिमला शर्मा १८६ मत ल्याएर विजयी हुनुभएको छ। यसैगरी उहाँको निकटतम प्रतिद्वन्दी अखिल क्रान्तिकारीका रबिकिरन करालाले १८५ मत ल्याउनुभएको छ।कोषाध्यक्षमा (संयुक्त प्यानल) का नवीन सुनारले १९९ मत ल्याएर निर्वाचित हुनुभएको छ।यसैगरी उहाँको निकटतम प्रतिद्वन्दी अखिल क्रान्तिकारीका केशर डाँगीले १७० मत प्राप्त गर्नुभएको छ।
सदस्यहरुमा (संयुक्त प्यानल)बाट सुनिता कुमारी बुढा २०३ मत,टिकाराम वि.क.१९३ मत ,दिपसन बस्नेत २००मत,राधा वली १९९मत र लक्ष्मी डि.सी १९४ मत ल्याएर निर्वाचित हुनुभएको छ। यस्तै (अखिल क्रान्तिकारी)कि धन कुमारी डाँगीले १८० मत ल्याउनु भएको छ।
आज सम्पन्न भएको निर्वाचनमा अध्यक्ष बाहेक अन्य पदमा भने (संयुक्त प्यानल)का उम्मेदवार निर्वाचित हुनुभएको छ। निर्वाचन समितिले ३७८ मत खसेको जनाएको छ।
Error generating audio.