सल्यान ।शिवजन क्याम्पस,सितलपाटी सल्यानमा आज सम्पन्न स्ववियु निर्वाचनको मतगणना केहिबेर अघि सम्पन्न भएको छ। निर्वाचनमा अध्यक्ष पदमा सत्ता गठबन्धनबाट नेविसंघका संञ्जय हमालको प्यानलका सबै उम्मेदवार विजयी हुनुभएको निर्वाचन अधिकृत कमल थापाले जानकारी दिनुभयो। ।
अन्तिम मतपरिणाम अनुसार हमालले १९४ मत प्राप्त गर्दै अध्यक्ष पदमा विजयी हुनुभएको छ ।उहाँको प्रतिस्पर्धी रोषन खड्कीले ८७ मत प्राप्त गर्नुभएको छ।त्यस्तै, उपाध्यक्ष पदमा अनेरास्ववियुका आभिष चनारा १८२ मत प्राप्त गर्दै विजयी हुनुभएको छ भने उहाँको प्रतिस्पर्धी कमल धितालले ९७ मत प्राप्त गर्नुभएको छ।
कोषाध्यक्ष पदमा नेविसंघका यारम रावत १८५ मत ल्याएर विजयी हुनुभएको छ। उहाँको प्रतिस्पर्धी सिर्जना के.सी.ले ९६ मत प्राप्त गर्नुभएको निर्वाचन समितिले जनाएको छ।
आज सम्पन्न निर्वाचनमा २९६ मत खसेको थियो। यस क्याम्पसमा सत्ता गठबन्धनबाट नेपाली कांग्रेस र नेकपा एमाले निकट विद्यार्थी संगठनले गठबन्धन गरेका थिए। यसैगरी नेकपा नेकपा माओवादी केन्द्र र नेकपा एकिकृत समाजवादी निकट विद्यार्थी संगठनले पनि प्यानल बनाएर चुनावी मैदानमा उत्रिएका थिए।
Error generating audio.