सल्यान । स्थानीय तह पुनर्संरचनापछि पहिलो पटक सल्यानका तीन नगरपालिका र सात गाउँपालिका गरि १० स्थानीय तहमा निमित्त प्रमुख प्रशासकीय अधिकृत शून्य बनाइएको छ।
संघीय मामिला तथा सामान्य प्रशासन मन्त्रालयले बिहीबार देशभर १२२ उपसचिव र ९७ शाखा अधिकृतको सरुवा गरेपछि सल्यानमा पनि स्थायी प्रमुख प्रशासकीय अधिकृत पठाइएको हो।
शारदा नगरपालिकामा उपसचिव अर्जुन शर्मा र बागचौर नगरपालिकामा अन्जु सिंह के.सी प्रमुख प्रशासकीय अधिकृतका रूपमा खटाइएका छन्। शर्मा यसअघि म्याग्दीको बेनी नगरपालिकामा कार्यरत थिए भने के.सी थारु आयोग, काठमाडौंमा कार्यरत थिइन्।
मन्त्रालयका अनुसार हाल देशभरका ७५३ स्थानीय तहमध्ये करिब २०० पालिका यसअघि निमित्तकै भरमा सञ्चालन भइरहेका थिए।
Error generating audio.