सल्यान । नेपाल कम्युनिस्ट पार्टी (एमाले) त्रिवेणी गाउँपालिका ५ सल्यानको वडा कमिटीको बैठक शुक्रबार सम्पन्न भएको छ । वडा कमिटिको चौथो बैठकमा वडास्तरीय पार्टी गतिविधिलाई अझ सुदृढ बनाउनुपर्नेमा जोड दिदै विभिन्न बिषयमा छलफल र निर्णय गरिएको वडा कमिटी अध्यक्ष रेशम बोहराले जानकारी दिए ।
बैठकमा बोल्दै प्रमुख अतिथी एमाले जिल्ला कमिटी सदस्य डिल्ली केसीले देश विकासको इमान्दार पार्टी एमाले नै भएकाले पार्टीको बलियो आधार वडास्तरमै निर्माण गर्नुपर्ने बताए । बिशिस्ट अतिथी पार्टीका पालिका कमिटी उपाध्यक्ष हस्त रामजाले मजबुत र राष्ट्रको पक्षमा दरिलो भएर उभिने पार्टिलाइ कमजोर बनाउन चारैतिरबाट विभिन्न आक्रमण हुनसक्ने भन्दै त्यसतर्फ सजग रहनुपर्ने धारणा राखेका थिए ।
सो अवसरमा पालिका कमिटी सदस्य शेरबहादुर रावत, भिषम गिरि, बेदप्रसाद पुनलगायतको पनि उपस्थिति रहेको थियो । बैठकमा वडाका विभिन्न राजनीतिक र संगठनात्मक विषयमा छलफल गरेर महत्वपूर्ण निर्णयहरू पारित गरिएको वडा कमिटीले जनाएको छ ।
Error generating audio.