वैशाख १५,सल्यान । सल्यान दार्मा गाउँपालिका- ५, बागखोरमा रहेको घट्टेखोला सामुदायिक वनको भीरमा बिहिवार शव फेला परेको छ।
जिल्ला प्रहरी कार्यालय सल्यानले शव दार्मा गाउँपालिका-५, तीनपोखरीका ७४ वर्षीय गगन खड्काको रहेको जनाएको छ । वैशाख ३ गते साँझ घरबाट हराएका उनको सडकबाट करिब ७ सय मिटर तल सडेगलेको अवस्थामा शव फेला परेको हो ।
बाटोमा हिड्ने क्रममा केहि गन्ध आएपछि खोजी गर्ने क्रममा स्थानीयले शव फेला पारेका थिए । वृद्धको कपडा र चप्पलको सहयोगले परिवारले शव पहिचान गरेको जिल्ला प्रहरी कार्यालयका प्रहरी प्रमुख सुमित खड्काले जानकारी दिनुभयो । घटनाको थप अनुसन्धान भइरहेको जिल्ला प्रहरी कार्यालय सल्यानले जनाएको छ ।